شوية حكي وحرية – عمل المرأة النازحة

شوية حكي وحرية – عمل المرأة النازحة

المرأة السورية الحرة أخدت من الظلم والوجع النصيب الأوفر بهالأزمة, هي مو بس شهيدة ومعتقلة ونازحة .. كمان صارت المعيل في ظل غياب رب البيت

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

الهم كبر .. وفوق االوجع قهر الحياة دائت على مختلف الأجناس …. والعيشة الهنية صارت لناس وناس المرأة السورية الحرة إلها من الظلم النصيب الأوفر ومن الوجع بهالأزمة الكمية الأكبر هي مو بس شهيدة ومعتقلة ونازحة .. كمان صارت المعيل في ظل غياب رب البيت صارت كل يوم من الصبح بكير تطلع .. قاصدة شغلها الجديد اي المرأة السورية بالذات الريفية اللي معروف عنها إنها بيتوتية وبالذات الكبيرة بالعمر مو الصبية .. شاء القدر انها تشتغل بمهن وأعمال ما إلها فيها خبرة ولا علم ولا خبر ويلي معها شهادة جامعية تشتغل بأختصاص غريب عنها ..

هي مشيئة القدر بعض النازحات اشتغلو وغيرن لسا عم يدور على شغل قسم منهن اشتغل بالزراعة من طلوع الضو للمغرب وأحيانا للعصر وقسم تاني عم يعمل دورات كمبيوتر وانكليزي و غيرها مشان تشتغل سكرتيرة او اي شي يعيلها ويعيل ولادها والصبية الجامعية هي وحظها يا بتلائي يا ما بتلائي ياختصاصها شغل .!

زوجة المعتقل عم تشتغل …أولادو كمان عم يشتغلو وزوجة الشهيد عم تشتغل .. وأم المفقود يلي استشهد زوجها عم تشتغل راح المعيل وما بئى في حدا يعيل والشغل أحسن من الشحادة هيك قالت أم محمد زوجة المعتقل بشتغل أنا وبناتي وما بمد أيدي لمخلوء الذل صعب نتحملو نحن البشر مابدي مد ايدي وانكسر بأخر يومي بكون معي حق الخبزات خبزات بتعبي وبتعب بناتي مو شحادة من هاد وهاد قسم كبير من النساء السوريات وخاصة النازحات …

اخدو مكان رجالهن بالشغل مكان أخواتهن يلي هلا يا بالقبر يا بسجون الظلم هي هي العيش ببلادي كلها قهر بقهر بس رغم كل شي عم يصير بسمة الرضا مرسومة على وجوه المقهورين بالورد والزهر وإرادة الحياة فوق كل الظلم والغدر

بودعكن على أمل نلتقي ووطني منتصر … والفرحة بكل بيت وعلى مدار كل يوم وساعة وشهر

فريق العمل:

إعداد وتقديم: حرائر داريا

إخراج ومونتاج: إذاعة بلدنا

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: