أبو حدو حكواتي الشام – بانياس و قواعد دمشق

أبو حدو حكواتي الشام – بانياس و قواعد دمشق

حلقة جديدة من أبو حدو حكواتي الشام
لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

بسم الله الرحمن الرحيم
04-05-2013 تابع لحكاية الأمس (بانياس )
السلام عليكم أجمعين ويارب تحمي الكل وتعين
السلاح بلش يتهرب لحزب الله
والصبح أجاه ضربة من عند الله
رح كمل اليوم حكايتنا عن ضيعة صغيرة
حرة وبالطيبة والفقر معروفة بكل الديرة
بيضا من بياض قلوب سكانها
وديعة متل الحملان وصغارها
قامت ضد الظلم ومن أروع الشباب شبانها
ثقافة وعلم و أدب و أخلاق مع فقر بميزانها
فاقوا الصبح على إجتياح لقوات الغدر وزعرانها
كلاب جيرانها ومن حزب اللات حصـروا سكانها
سرقوا يلي سرقوه من أدوات بنظرهم ثمينة
أسروا عشرات من شبابها بالطريقة المهينة
بيت بيت فاتوه . وبعض البيوت حرقوه .
الشبيحة حارة حارة ودار دار . فتشوا كل غرفة كلاب الجزار .
ومتل التتر دبحوا البشر . قلوبهم أقسى من الحجر .
ماتركوا طفل ولا كهل . لاعجوز ولا مرة ولا حمل .
فات يوم الجمعة بدون صلاة وأذان
ريحة الموت والدم تفوح بكل مكان
أقسم بأنو ريحة دمهون متل المسك زكية .
بس صعب يشموها مجرمين أنوفهم غبية .
بقيت الحملة للعصر . وقصفوها بعدين بكل غدر .
مدفعية ودبابات . وصواريخ من راجمات .
بالحملة صادروا التلفونات . وقطعوا عنها الإتصالات .
من خوفهم من نشر وتوثيقات .
صور أو خبر أو فيديو للفضائيات .
عيلات كاملة بحقد مدبوحة .
ودماهم بالطرقات مسفوحة.
من بيت الشغري وعيروط وسويد .
و جلول وطه و الصباغ كلو شهيد .
و غيرهم كتير والعدد كلو مو أكيد .
رأس النبع بطرايا مجازر دبح بأيد .
نحرقت بيوت ومحلات وبساتين .
يارب من وين كل هالحقد دفين .
شاركوا بالمجرزة أبناء الضيع الموالية كانوا معطلين .
كل واحد معو بارودة و عتاد و عدة و للدبح السكين .
وهاموا بقية المهجرين من بانياس بالطرقات .
وع بواب طرطوس سجلوا أسماء و معلومات .
بعد ما الحواجز هنيك صادروا منهم الهويــات .
منهم دخل لقلب للمدينة . ومنهم بقي للتشرد رهينة .
بعدها أعلن النظام نصروا عبر قنواتو اللعين .
شطفو الأرض من دم وأشلاء أبرياء طاهرين .
ع مادنة واحد من جوامعهم رجعوا خالصيـن .
البلد آمنة وخلصناكم من الأطفال الإرهابيين .
تعوا لموا أمواتكم ولا بقا تعيدوها مسامحين .
صدقوا الأهالي وفكروهم عن طيبة صادقين .
زخ رصاص من حي القوز يلي كلهم مؤيدين .
عشرات من الناس استشهدوا فورا بكميـن .
عشرات بل مئات زادوا عالطرقات ملحوشين .
ولسا قوافل سيارات شبيحة وأمن عم تتوجه للمدينة .
الله بيعلم شو مخبى من حقد تار و غدر لهالمسكينة .
حمص وبانياس أخوات صاروا بالدم .
دبح و قتل وحرق ومافي مين يهتم .
معقول يلي بموت بدفع أو صاروخ صار محسود .
برصاصة أو بالكيماوي يرحمهم ربي هو موجود .
وبآخر هالليلة رجت الشام رج .
صوت مو متل صوت قصف ودج .
من قاسيون الضو قوي والوهج .
ناس قالوا مستودعات كيماوي وسلاح .
و ناس قالوا مقرات وفرق للغدر باح باح .
برزة و جمرايا وقدسيا ودمر والهامة و محيط قاسيون .
من أكتر الأحياء رجت وإرتعبت الناس وخوف للجنون .
وتلفزيون مسيلمة الكذاب . الكذبة جاهزة ورا الباب .
قالوا عدوان من إسرائيل . انشهروا بالكذب و التضليل .
بس يلي هو أكيد إحتفاظهم بحق الرد .
جبنهم و حيلهم فاقت الوصف وكل حد .
الله يضرب الظالم بالظالم . و يطلع وطننا وشعبنا سالم .
ولا تواخذونا عالتأخير . وتصبحوا كالعادة على خير .

B-SH
دمشق الشام 04-05-2013
أبو حدو

أبو حدو حكواتي الثورة السورية

فريق العمل :
اعداد بلال الشامي حكواتي الشام
وتقديم ومونتاج رامي درويش

صفحة البرنامج على فيس بوك

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: