خلينا نحكي – زواج الاحرار و الحرائر هدف من اهداف الثورة

خلينا نحكي – زواج الاحرار و الحرائر هدف من اهداف الثورة

وموضوعها هالحلقة  زواج الاحرار و الحرائر هدف من اهداف الثورة ان شاله الف مبروك وانشاله منشوف اولاد اولادكم احرار والله يرزقكم الذرية الصالحة

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

كل يوم عن يوم عم نكبر وكل يوم عن يوم عميزيد الحزن والله بيكفي حزن ودموع لان تعودنا وصار اي شي كبير بنظرنا صغير يعني بيني وبينكم صرنا بلا احساس من كتر ما شفنا شهداء ودم ودموع ونزوح ويا ويلي عنجد ماعاد في شي يأثر فينا ولهون ومنبلش حلئتنا وموضوعها هالمرة
انشاله الف مبروك وانشاله منشوف اولاد اولادكم احرار والله يرزقكم الذرية الصالحة منيح يلي اختصرتو الوقت الدنيا ما بتوقف بالحرب لان حربنا حرب حرية حرب كرامة وحرب صناعة مستقبل وبسمة وفرحة والف الف مبروك

يا شباب ويا صبايا يا كل الاحرار بعرف انو مو وقت هالحكي بس يا حر الحرة نطرتك كتير لما كنت متظاهر ولما صرت ناشط ولما صرت حتى مشيع وبالاخر بطل بالجيش الحر يعني بيني وبينك والله بيكفي لازم تشد حيلك وتنسى وجعك وتتوكل على الله وتكمل نص دينك وتتزوج هالحرة
وانتي يا حرة بيكفي تقولي بعدين وبيكفي تقولي الناس عمتموت والوضع ما بيتحمل يعني حقو لهالبطل يكون احلى عريس في كتير من الصبايا والشباب بيفكر بهالوقت بهالطريقة وبيضل يأجل يأجل وبيقلك مو وقتها نتزوج وحتى يلي موخاطب كمان بيقلك أجلها اي يا ابن الحلال مادام النية صافية توكل على الله واتزوج وافراح فرحة زغيرة وفرح هالحرة معك
وكمان انسى الوجع لكم يوم لان بيكفي والله الدنيا لازم تمشي يعني نحنا يمكن ماعاد ضل فينا احساس بالخوف بس اكيد فينا مشاعر للحب وفينا احساس للصدق والحنان

اكيد هلئ الصبايا كلهم اتقمصوا الحالة وصارو يتخيلو حالهم بالفساتين البيض والشباب كمان راح فكرهم لحبايبهم بدي قول الله لايحرم حدا من يلي بيحب ولا يبعد الابتسامة عن وجوهنا والفرح عن قلوبنا
يعني كل حدا فينا عندو قلب بتفجيرات بشار البطة او بدون وبصواريخ ايران واجرامها او بدون وبميغ وبدون ميغ
لهيك يا اخواتنا الشباب والصبايا لا توقفوا عند مرحلة حتمر بحياتكم ومتل ما بيقولو كلووووو للذكرى يعني هالبنت اللي ناطرتك صرلها سنين معقول ما اشتاقت تكون معك والك ادام هالناس
وانتي يا حرة كمان شدي حيلك وتوكلي على الله وكملي حياتك واتزوجي هالشب الناطر موافقتك ويلي ما عندها او عندو شريك يكون معو لاخر عمرو هلئ الفرصة المناسبة تختار الحرة اللي يمكن معك بلجبهة او بالمظاهرة او باي حراك يعني البطل يلي قادر يحمي البطل اكيد ما حيقصر عليكي بشي ويمكن الحرة يلي حنونة عالبلد ما حتقصر بحنيتها عليك يعني الطيبون للطيبات شبابنا وبناتنا ابطال بيستحقو كل خير وبيستاهلو يكون الهم كل شي حلو وبيستحقو يفرحو ويتدللو ولهيك كمان الابطال ما حيقصروا بحق حبايبهم بالرغم من كل الشي اللي عم نمر فيه ومتأكدة حيقولو

فقط اول مقطع ومتل ما بيقولو الللي بيكون معك عالمرة بيستاهل يكون معك عالحلوة واتعس من هالايام ما حيمر علينا ف يلي شايفتلها او يلي شايفلو شي عروس لافتة نظرو وحاببها من تحت لتحت يعترفلها ويقلها يا حرة ممكن تقبلي فيني زوج وهية كمان تبادر وتقول يا ابن الاحرار انا شايفتك وحاسة تجاهك بالاهتمام اييييييييييييييييييييي من هالباب الشباب بيحبو المهتمة فيهم
وهيك يا شبابنا منقلكم خلصونا وتزوجوا وجيبوا احرار لهالبلد لأن البلد باولادها وبرجالها وباحرارها مو بأنو نقول بكير وما بيصير وانشاله الفرحة الكبيرة بالنصر وبالتحرر من العبودية والظلم والحزن وصباحك ومساكي حر يا سوريا

 

فريق العمل:

إعداد وإخراج: Lazikani

ميكساج: قصي أغا الخطيب

تقديم: Areej Sham

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: