أبو حدو حكواتي الشام – رمضان هالسنة غير

أبو حدو حكواتي الشام – رمضان هالسنة غير

تالت رمضان بعمر الثورة… تابعوا معنا الحلقة 4 مع أبو حدو حكواتي الشام ..
لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

و كمل راوينا بأول رمضان حكايتو . ومابيعرف من وين رح تكون بدايتو .
رمضان مبارك عليكون ياجماعة . والله يتقبل عبادتكون بكل ساعة .
هي تالت رمضان بعمر الثورة . دعوات المظلومين عم تطلع بقهرة .
لاتخافوا من دولار . ولا تخافوا من أسعار نار .
رمضان بيبقى كريم . والله مايحيجكون للئيم .
تجار الدم و الأزمات .عم يسرحوا بهالأوقات .
بيجي يوم و بيتحاسبوا من الناس .
و الله يدوقهون من نفس هالكاس .
لارحمة و لاضمير . مابتروح غير عالفقير .
هم و شقى و قلة و تعتير . و من قبل قتل و دمار و تهجير .
و عيوننا وقلوبنا على حمص ابن الوليد .
الله يحميها و يثبتها والنصر قريب وأكيد .
رمضان الأول بالثورة دكوا حماه و دبحوها .
بعد صمود وقوة من مدينة النواعير حماه أبو الفدا تركوها .
و برمضان التاني تحررت حلب وعدو بجمعة بس يرجعوها .
برمضان التالت صبوا الحقد على حمص دكوها وحاصروها .
من يوم يومو رمضان هو النا و معنا .
بس بدو مين يفهم ويدقق المعنى .
رمضان شهر العبادة والإنتصارات .
عبر التاريخ و الحاضر و النصر آت .
ركزوا دعواتكم و دعمكون لحمص عاصمة الثورة .
لو راحت حمص لاسمح الله يمكن تموت هالثورة .
قولوا الله وعلوا الصوت بالتكبير .
في جيش حر من بعد الله كبير .

و بهالمناسبة شوفوا شو قال الشاعر .
قصيدة محبة وكلها قوة وحماس و حمية .

حمص الله يحميكي و روح الثورة حمصية
بلطف الله والشباب و أهل حمص العدية
من أول يوم قالوها أنو ثورة سلمية
و مزقوا صورة بشار بهمة و لحمة قوية
و صارت عاصمة الثورة بإصرار و نخوة عربية
كل دروب الثورة عليها و لو غابت بعد شوية
إلها النصر باذن الله و هي أصل القضية
حمص كلها أولياء و صالحين و مطالبن حرية
يا الله فيها الفقير …. و الغني عايش سوية
ما في فرق كبير صغير كلون إخوة حمصية
يا ربي فرج كربا و خلص أهل الخالدية
و خلصنا من العصابة بيت مخلوف الحرامية
و ريح سوريا يا رب من الشبيحة العلوية
و في معهون سنة كتير باعوا دينون و الهوية
و بيت اﻷسد من إيران أصل الفتنة الطائفية
يا ربي ريحنا منن .. ورجعنا عا سورية
و لو ناكل خبز و بصله و إلنا حمص و اللادئية
لا تقسيم و لا دولات كلنا إخوة سورية
إسلام و مسيحية و جبال دروز و علوية
بس نشعر إنا إخوة سلام و أمن و حرية
و الظلم في الرعية اصل العدل سوية
و الله كفرنا بالحرب و حاجي قتل يومية
و ما لنا غيرك يا الله كفر عاذنوب البشرية
و الثورة قامت خلاص بس ناخد شوية حرية
و نرجع عا حمص و الشام و عاتلكلخ يا بيي
بدون يقلعوا جذورنا و يخلونا بلا هوية

الصديق الشاعر جاسم الدندشي

دمشق الشام 10-07-2013
01-رمضان -1434

— with Jasim Dandashi.

فريق العمل :
اعداد بلال الشامي حكواتي الشام
وتقديم ومونتاج رامي درويش

صفحة البرنامج على فيس بوك

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: