شوية حكي وحرية – رمضان شهر المحبة والبركة والخير

شوية حكي وحرية – رمضان شهر المحبة والبركة والخير

بكل عيلة حكاية ..وعلى كل سفرة رواية .. رمضان على بلادي سوريا 2013

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة


رمضان شهر المحبة والبركة والخير
اجا على بلدي هالسنة غير
أطفال ميتمة .. ونساء بين مشردة وأرملة ومعتقلة
عائلات عن بيوتها مغربة ..
حصار دمار قتل وتخريب واعتقال
بلدان من شهور محاصرة .. لا خبز لا خضرة ولا حتى مجدرة ..!!
الأم بتقعد على سفرتها .. بتحلم بابنها الشهيد لو هلأ جنبها
والتانية عم تنظر ابنها المعتقل .. يطل عليها ويفتح باب غرفتها
على السحور 100 غصة و100 آه
وعلى الافطار وين يلي كان هون .. يا ترى هلأ هو مرتاح
بكل عيلة حكاية
وعلى كل سفرة رواية ..
أختو ل محمد وأنس بتحكي بدموع مخباية
أختك أنا أختك مشتائة ضمك .. مشتاءة فيئك عالسحور
مشتاءة يا محمد تشغل بالي وما تقوم
مشتاءة يا أنس تجي قبل الافطار .. وتجيب رفائك معك عالدار
وينكن هلأ يا غوالي .. بالجنة في رمضان ..!!
ومنى بتحكي عن أخواتها وزوجها يلي تختخو بالمعتقلات
يلي مشتائة تلمح وجن لو مرة وتسمح الآهات
وأم احمد بتحكيلك عن ابنها يلي استشهد أول يوم رمضان
يلي ترك الدنيا وراح عالجنان
هية مالها زعلانة بس كانت بشوق لتضم ابنها لينام عصدرها قبل ما يروح ويحكيلها اديش هوو كان مبسوط وفرحان
ببلدي .. الوجع كل ما عم يكبر .. شهداء . جرحى .. وكل ساعة معتقل
ولسا فوق الهم هم جديد
غلا مو طبيعي وبيكسر الضهر والايد
اقل طبخة بألفين ويكمن تزيد
والشعب لاخر الشهر بيصفا عالحديد
يارب فرّج عن بلاد الشام .. بلد المحية والأمان
يارب برمضان تخلصنا من الظلام
وتعيد هالشهر المبارك على بلادي .. وتكون سوريا بخير وحرية وسلام
بودعكن على أمل نلتقي ..والنصر ماحي كل الأحزان
هي حرائر داريا حكولكن اليوم شوية حكي وحرية
شوفي هالحلقة كويسة

 

فريق العمل:

إعداد وتقديم: حرائر داريا

إخراج ومونتاج: إذاعة بلدنا

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: