شوية حكي وحرية – الخطبة والزواج في الثورة

شوية حكي وحرية – الخطبة والزواج في الثورة

 الشعب السوري رح يثبت للعالم أنو رح يستمر بالحياة …رح يكمل ويعيش ويحلم 

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

يسعدلي اوقاتكن ويحقق احلامكن اصدقائي
انشالله مانكون طولنا عليكن لنرجع نحكيلكن حكاياتنا من شوية حكي وحرية
الخطبة والزواج بالثورة ئلهن ميت قصة وحكاية

لانو متل ومابتعرفو هالقصص مابتوئف وبضل مستمرة لتبرهن انو الحياة رح تستمر وتكمل
والدنيا رح تعمر رغم كللللل الظروف

كتير بنات انخطبو بالثورة بظرووف وأوقاات كتيير صعبة يعني كانت قراءة الفاتحة تحت
القصف وحفلة الخطبة وقت المداهمات والاعتقالات وحفلة العرس بالنزوح والغربة
هاد طبعا غير اذا كان الشب ببلد والبنت ببلد تاني وصارت مراسم الخطبة والزواج ع النت
والسكايبي وبعدين بعتو العروس لعند العريس من دون حفلة ومن دون أهل ومن اي شي بيدل انها
عروس …اي اي لاتستغربو.. كلشي بهالثورة بيصير

البنات نسيو شي اسمو فستان أبيض وصالة عرس وأغاني وفرح
والشباب نسيو شي اسمو غدا وعراضة ولمة أهل ورفئات
كتتير شباب وصبايا كانو مقررين مايتزوجو لحتى تنتصر الثورة كرمال يشوفو الفرحة بعيون
الناس …. بس وبعد سنتين ماكان في حل غير انو تستمر الحياة
بتعرفو شو يعني فرحة عرس لشب وبنت لاجئين!!!

يعني فرحة من دون رفئات…. يعني فرحة بعز الألم…. يعني ضحكة بالغصب… يعني فرحة من دون وطن….. فرحة من دون فرحة حتى….

رح يحضر حفلة العرس أم الشهيد…وأم المعتقل…أم الجريح وأم لأبطال من الجيش الحر عم
تتمنى تنتصر الثورة لتخطبلهن وتفرح فيهن
بس بالنهاية بضل اسمها فرحة العرس!!

القصة هي تحدي ولنأثبت للعالم انو الشعب السوري رح يستمر بالحياة …رح يكمل ويعيش ويحلم
ويكبر ليعمر هالبلد وليجو ولادو يعيشو حياة كلها سعادة وهنا وكرامة
حرائر داريا بودعوكن ع أمل تتحسن الظروف لنحكي عن أعراس سوريا يلي مافي متلها بالعالم
ومن هون لوقتها منودعكن بأطيب تحية معطرة بنسايم الحرية

فريق العمل:

إعداد وتقديم: حرائر داريا

إخراج ومونتاج: إذاعة بلدنا

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: