ابنك بدو كتيير محبة

ابنك بدو كتيير محبة

أهلا وسهلا فيكن مستمعينا بفقرة جديدة من فقرات شو أعمل؟، اليوم رح نحكي عن ابنك

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

ابنك يلي عم يتحرك كتير و ما عم يهدى و صاير كتييير عم ياكل وأيام بتحاكيه ما بيرد عليكي وأصلاً ما بينتبهلك! عم يبكي بسرعة ودائماً مدايق؟
اغلب الاوقات بيصير الطفل هيك لما بيكون معرض لصدمة من يلي عم يصير حواليه.
في عندك طريقة لتعرفي انو فعلا معرض لصدمة أو لا!
أول شي سلوكياتو بتتغير يعني مثلاً:
بيصير عندو إلحاح و بدو يعمل يلي بدو ياه و بس، حركتو بتزيد، أيام بيصير بياكل اضافرو
و ببعض الاحيان بيصير عدواني

طيب ليش هيك بيصير؟
لإنو ببساطة هو خسران الشعور بالأمان، و هو خسر هالشعور لانو عم يعيش المواقف القاسية كل يوم او انو انت نفسك قلقانة و هو حاسس بقلقك.
لا قدر الله ممكن تتطور القصة لاضرابات بالنوم بتلاقيه بيفيق و بيصير يبكي و بيظهر عليه انه خايف بدو ياكي تبقي معه و لما بتحاولي تهدي ما بيستوعب شو عم تحاكيه.
المرحلة التالتة بتكون الاكتئاب
بيوصل لهي المرحلة بعد ما يمرق بالمرحلتين الأولى و التانية بيترافق معه فقدان شهية و مزاج معكر طول النهار، ما بيعود مهتم بشي ابداً و لا حتى رفقاته، ما بيركز ابداً و كتير شغلات تانية
يلي بيهمنا من كل يلي حكيناه انو ما يوصل الولد لمرحلة الاكتئاب و لا حتى اضطرابات النوم
لما بيصير القصف خدي الولاد ع اقل غرفة بيوصللها الصوت و حاولي تهديهم و اذا كانوا خايفين من الصوت خليهم يشربوا مي و يفوتوا ع الحمام و يغسلوا وجوهم و ايديهم و رجليهم بمي باردة
سماع القرآن بيساعدهم كتير ليهدوا
حاولي تكملي نشاطك العادي حطي فطور – غذا – اقري كتاب
في حال كان صعب تكملي نشاطك عادي عملي نشاطات تانية تشغلهم عن صوت القصف متل انو يرسموا او يغنوا
ممكن كمان تخليهم يعملوا غير شغلات مثلاً يرتبو الغرفة يلي موجودين فيها
و أهم شي انو تحسسيه بحبك إله و إنك رح تبقي معه، و بيقدر يحكيلك اي شي مدايقه
استوعبيه لانو يلي عم يمرق فيه نحنا الكبار اكبر من انه نفهمو
ولادنا بحاجة آمان و كتير محبة و انا فينا نحسسهم فيهم

بتمنى كون قدمتلكن شي مفيد فيا، وفيكن اتابعو المزيد من الفقرات بقسم شو أعمل على موقع بلدنا

فريق العمل:

إعداد: تجمع حرائر داريا
تقديم: ريم الشام
مكساج: رنيم قباطروس

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: