أبو الأقاويل أكبر ذليل

أبو الأقاويل أكبر ذليل
الله يسامحكم يا أهلنا كيف خليتو هالاجدب طول هالمدة من السنين حاكمنا!!
 
لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

منوعى الصبح على هالنغمة المكروهة من كتيرين من طلاب المدارس والجامعات

منلبس وبوشك يا امووووور عالمدرسة
طبعاً بيقابلك باب المدرسة يلي حيطانها كلها لوحات من اقوال القائد البائد حافر الاسد

وبتدخل لجوا
وهون بتلاقي اللوحات الفنية عالحيطان
شي طلائع البعث
وشي شعار حزب البعث
وشي الرياضة حياة
وعلمي علمك كلو من علاك هالمصدي حافر الاسد
وبيرن الجرس
وطبعا لابد انك توقف وتنطر تحية العلم
ويا حياااااتي عالعلم

وهون بيجي وقت السيدة المديرة طبعا زوجها ضابط اومساعد اول بالتعيينات او مخبر بشي فرع

وامة عربية واحد وذات رسالة خالدة
هون انتة لازم ترتعش وتنتفض وتكون باستعداد
والشطر التاني
اهدافنا
وهوووووون الكزبة الكبيرة والكم الاكبر
وحدة
حريييييية
اشتراكية
بس هلئ بوقتنا انحذفت الكلمة التانية يلي هية حرية
لان صارت جرم

بيكفي يا حزب البعث بيكفي
والله شبعنا منك ومن قائدك
ومن كلماتك الكازبة
شبعنا من صورة المقبور يلي ملت الحيطان
يعني انا ما بعرف
ازا الانسان لازم يلعب رياضة
لازم يقلولو حافر الاسد قال
اني ارى في الرياضة حياة
لك ياريت انعمت عيونك وما شفت ولا سنة من حياتك

وشي الشهداء أكرم من في الدنيا وانبل بني البشر.

طبعا هاد قالو حافر لشبيحتو اللي عم يقتلونا لان نحنا ارهابيين

اما الجملة يلي صدق فيها الكزاب الاكبر حافر الاسد ابوهالمجنون بيشو

-لاشيء أمتع للمرء من تلقي المديح والثناء
سوى الإحساس بالجدارة بهذا المديح والثناء

يا سلااااااااام عنجد عنجد يلعن روحك
يعني يلي فهمتو انا
انواطلعولي مسيرات واهتفو الي بالحياة الابدية
وانا معكم والكم وحكون شبيحكم الاكبر

فعلا هيك جيش بدو هيك قائد اجدب
واللي زاد الطين بلة
ابنو
فعلا الولد سر ابيه
اااااااه
الله يسامحكم يا اهلنا كيف خليتو هالاجدب طول هالمدة من السنين حاكمنا

وأن تأتي متأخرا
خير
من ان لا تأتي أبدا
الحمد لله تغير كل شييييييي
وصارت كل هالاقوال وكل هالشخصيات بمزابل التاريخ
وما بتجوز على روحو لحافر الا اللعنة
وصباحك
ومساكي حر
يا سوريا

فريق العمل:
إعداد وإخراج: Lazikani
ميكساج: بيان
تقديم: Areej Sham

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: