أطفال الحرية – عيد الأم

أطفال الحرية

أطفال الحرية

خصصنا هي الحلقة لعيد الأم عيد أمنا سوريا .. عيد أم كل شهيد ومعتقل ومختفي قسريا…

 

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة


سلامي لكل مستمعي اذاعة بلدنا ومتابعي برنامجنا واهلا وسهلا بحلقة جديدة من اطفال الحرية املنا

هالحلقة لح تكون الاخيرة بموسم برنامجنا الأول وإن شاء الله قريبا لح تسمعوا الموسم التاني
فاصل موسيقي
21 اذار قبل 2011 كان مناسبة احتفل فيا بعيد ماما ونجيب هدية انا واخواتي ويخلص العيد اما بعد الثورة صار العيد غير وطعمتو غير
صار من واجبي عيّد كل امهات سوريا مو بس امي…
أنا الشهيد الطفل باسم شهداء أطفال درعا  بقول
ماما كل عام وانت بخير
انا منيح ومشتقلك كتير عم استناكي عباب الجنة اشفعلك يا ماما
أنا الشهيد الطفل باسم شهداء اطفال حمص بقول
ماما كل عام وانت بخير
يامو لا تزعلي دمعك غالي والحرية حلمي انا وياكي وعندي رفقات كتير عم نلعب سوا بالجنة
أنا الشهيد الطفل باسم شهداء اطفال حلب بقول
ماما كل عام وانت بخير
ماما سامحيني كان بدي جبلك هدية بس هاد الطيار يلي عم يقصف هداكي شهادتي وهداني الجنة

أنا الشهيدة الطفلة باسم شهداء اطفال ادلب بقول
هالسنة يا ماما مالي موجودة لعيدك متل كل سنة بس انا مو نسيانة انا هن عم استنى ولح عيدك عن كل عيد لما الله يجمعنا بالجنة
فاصل موسيقي

أنا الشهيدة الطفلة باسم شهداء اطفال سوريا بقول

إليك يا أمي أم الشهيد..في عيدك بالزيّ الجديد
عيد الحزن بفقداني يا من كنت عيدك
الآن يا أمي أنا في جنة الله
أوضب اغراض حفلتنا عند اللقاء
وأضيء في طريق صعودي شمعا بظلام درب الى السماء
أنا يا أمي كنت معك احلم
بحرية ابني بها بلدي
بنجاح كلله رضاك
فرحلت انا وبقي لك حلمي
دعيني في عيدك أملأ جدران دفاتري أمنيات
لا تدعي يا أمي قلبي تعصره الدمعات
فدمعك يا امي يلهب من الجسد الفؤاد
اسفي يا أمي أن أطلب منك
زيارة قبري في عيدك بفرحة كتلك حين الميلاد
ضميني يا أمي فأنا حي بك ولو كنت تحت التراب
سلواي أن أهديكي شفاعة من الواحد الوهاب
فأنا الشهيد شهيد الحرية عشت نصرا قبل الميعاد
وعيدك يا أمي بشهيد ستزورك روحه في كل الأعياد

فاصل موسيقي
بفقرة الدعم النفسي لحلقة اليوم لح نطرح عليكم بعض الامور يلي ممكن انو ندعم فيا أمهاتنا بعيدون
فينا نزور امهات الشهداء لنعايدون ونقلون انو نحنا مالنا نسيانين ولادون
ممكن تقديم الدعم المادي لأسر الشهداء وخاصة اذا كان الشهيد زوج الأم
لازم نصبر الأم ونحثا عن مكانة ابنا بالجنة وما لحقها من اجر على المصيبة
لازم نفتح مجال كبير للتفريغ النفسي للأم بحيث تقدر تفش قلبها بانو تحكي عن ابنا كيف كان وشو صار في
اذا اخدنا دورالابن بهيك يوم مالح تحس الام بالوحدة او اقل الشي لح نقدر نسعدها ولو للحظات بيوم عيدها
زيارتك او تواصلك مع أم صديقك الشهيد سيساعد أمه على تخطي أحزانها لأنها ترا فيك صورة مشابهة لابنها
يمكن صعب كتير انو ننسي الام مآساتها بس مساهمات بسيطة ممكن تخفف عنها مصابها

فيديو الامهات

فاصل موسيقي
يا أمه!

لا تقلعي الدموع من جذورها !

للدمع يا والدتي جذور ،

تخاطب المساء كل يوم…

تقول : يا قافلة المساء !

من أين تعبرين ؟

غضت دروب الموت… حين سدها المسافرون

سدت دروب الحزن… لو وقفت لحظتين

لحظتين !

لتمسحي الجبين و العينين

و تحملي من دمعنا تذكار

لمن قضوا من قبلنا … أحبابنا المهاجرين

يا أمه !

لا تقلعي الدموع من جذورها

خلي ببئر القلب دمعتين !

فقد يموت في غد أبوه… أو أخوه

أو صديقه أنا

خلي لنا …

للميتين في غد لو دمعتين… دمعتين !
فاصل موسيقي
أما للاطفال يلي فقدو امون فينا نقدم كتير دعم لالون متل
نروح معون لنجيب هدايا لأقرب انثى بالقرابة متل الخالة او الجدة واذا ما انوجد لاكتر انسانة قريبة منو بالوقت الحالي
نعمل حفلات نجمع فيا الاطفال مع مجموعة من الامهات يلي لح يقدمو الدعم لجميع الاطفال ويحسسون انو ما بيفرقو شي عن غيرون
فاصل موسيقي
اللقاء مع الطفل
اختتام الحلقة
لا شيء يطلبنه أمهات سوريا في عيدهن سوى سقف للوطن يجمع اولادهن وازواجهن بدفء المحبة والامان
لاشيء يردنه سوى وطن حر بلا آلام بلا فقدان بلا احزان

فريق العمل:

عناوين التواصل: atfalelhuriye@baladna.fm

إعداد وتقديم وإخراج: ديمة D.SH.K

بدعم من مجلة : جيل الحريّة… للحلم بقية

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: