عقولنا شموع الحرية

بدل ما نلعن الظلام خلينا نشعل شمعة, أنا عم حاول اشعل شمعة ..و انتَ و انتي و كلنا خلينا نشعل شمعة لنور هالظلام و تشرق شمس الحرية
شوية حكي وحرية

شوية حكي وحرية

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل
الإذاعة الأسود يسار الصفحة

ع الوعد جينا لنحكي حكايتنا
احلى اكاليل الياسمين  الكم منا منهديها
و ع  اذاعة بلدنا بشوية حكي وحرية
حرائر داريا لح يحكولكم مأسينا
يا ترى الحق على مين
الطالب لما بيجي الامتحان بيحكوا ع اساتذتهم أنو ما فهموهم و انو المنهاج صعب و الاسئلة ما بتنفهم بيعصبوا و بينفعلوا بيكون عندهم وقت ليمسكوا رفيق يتركوا رفيق و يحكوا نفس الحكي
بس ما معهم وقت يدرسوا
و لما بيرسبوا بيقولوا يا رب ليش ما نجحونا
الفلاح عنده ارض طالع فيها الشوك بدل ما يعشب ارضه بيبدى شتايم ع الشوك و بعد ما يفش خلقوه بيرمي البذر كيف ما كان و بعد فترة هالبذر ما بينمو
غريب مهيك طبعا بدو يستغرب و اكيد رح يقول يا رب ليش الزرع ما طلع ؟
الأم بتحكي مع جارتها شوي و مع اختها شويات و بتشوف شي 3 او 4 مسلسلات بيجي الولد يا بتقلوا يا ما بتقلوا وين كنت او شو عم تعمل او تعا نقرا و بالاخر بيطلع الولد فاشل
يا ترى ليش هيك صار … يا رب ليش الولد ما عم يسمع الكلمة ؟
و نحنا … شايفين كتير شغلات مدايقتنا و يمكن هالشغلات فينا
طبعا منلعن الشيطان و منحط الحق على كل الناس إلا حالنا و بتخرب نفوسنا و منقول يا رب ليش هيك ؟ ليش عم يتأخر النصر
كأنوا نسينا أنو التغيير ما بيكون بلعن الشيطان
و أكيد مو حقنا نقول يا رب ليش هيك و نحنا يلي اهملنا حالنا
التغيير بيبدى من عندك و عندي لما انا بنهي حالي عن الباطل و بعمل خير لما انت بتكون اصلحت حالك و بتساعد غيرك
لما منكون قدوة صالحة هيك بيبدى التغيير
اما اذا ما عملنا هيك ما رح نلاقي نتيجة منيحة بأي شي لأنو باختصار ما فينا نعيب ع الزمن و اليب فينا
اذا ما اصلحنا انفسنا و كنا قدوة لما رح نصرخ يا رب ليش ما انتصرنا رح يرد علينا الكون كلو ( قل هو من عند انفسكم )
و بالأخر بقلكم بدل ما نلعن الظلام خلينا نشعل شمعة
أنا عم حاول اشعل شمعة
و انتَ و انتي و كلنا خلينا نشعل شمعة لنور هالظلام و تشرق شمس الحرية
تحياتي لقلوبكم الصافية و احترامي لعقولكم النيرة
حرائر داريا عم يستنوكم بحلقة جديدة كونوا ع الوعد
و من هون لوقتها ان شالله نكون نورنا شموعنا لتنور شمس الحرية سمانا

فريق العمل:

إعداد وتقديم: حرائر داريا

إخراج ومونتاج: إذاعة بلدنا

 

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: