شوية حكي وحرية – الأم السورية

حلقتنا اليوم رح تحكيها أم فهد – أم محمد و أم عامر.. رح تحكيها الأم السورية .. أم الشهداء.. مدرسة البطولة, تابعونا
شوية حكي وحرية

شوية حكي وحرية

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل
الإذاعة الأسود يسار الصفحة

صباحكم و مساكم أمل بالحرية الجاية
يا رب تكونوا بخير و البسمة ما تفاركم وين ما كنتم
غريب لما بيبطل يطلع معنا الحكي مع أنو في براسنا ألف قصة و قصة الحكي بيوقف لما بيحكولك قصتهم
اليوم حكايتنا رح يحكوها أم فهد – أم محمد و أم عامر
أم فهد : بالي عند ابني الله يحميه اليوم القصف كتير عم اسمع الأصوات مع كل صوت بحس قلبي عم يروح لعند فهد , هو طالب الشهادة من وقت كان صغير لما يلعب مع اخواته يعمل حاله شهيد , شو كان يبكي إذا ما رضيو يعملوه شهيد وصاني اذا استشهد زلغطلوا بئى ما بعرف رح زلغطو بزفتو بعرسوا أو بزفتو على الجنة )
المحدثة : و بتضحك و بضحك معها بس براسي بيكون في الف سؤال و سؤال . و بيرجع بيخلص الحكي لما بتخبرني ام محمد
( مبارح حكا محمد و كان كتير معصب قال كسرولوا الكاميرا لما كان عم يصور القصف يلي صار مبارح على الملجأ بس الله يحميه حكا مع يلي كسرها و شرحلوا انو التصوير مهم للتوثيق روقه,الله يعين الناس بيكون هالزلمي اديه مقهور أغلب عيلتو تحت الانقاض الله يفرج يا رب )
المحدثة : بجاوبها آمين و بسكت هي قلبها عند ابنها او مع الناس يلي تحت الانقاض أو مع الزلمي يلي كسر الكاميرا
و لا شو احكيلكم عن ام عامر خليها هي تحكي
خالة ام عامر عامر شو اخباره
أم عامر : و الله يا خالة كل كم يوم ليقدر يحاكينا مرة بس الحمد لله طمنا انو هو بخير القصف ما عم يرحم حدا و الجرحى كتار كل وقتو بالميداني و اذا صار قصف بيطلع بيساعد باسعاف الناس الله يرضى عليه دنيا آخرة
بيرن الهاتف
أم عامر : الحمد لله الحمد لله يا رب
و بتزلغط
عامر استشهد
هي هي الأم السورية هي يلي ربت ولادها ليدافعوا عن كرامتنا
هي يلي ربت ولادها لما يركعوا غير لرب العباد
هي يلي بتضحك و ابنها تحت القصف
هي يلي بتزلغط لما ابنها بيرجعلها عريس
عرفتو ليش بيبطل يطلع الحكي لانو اي شي بدي احكيه عنها قليل
يا رب كرمال دموعهن و ضحكاتهن عجل بالفرج
حرائر داريا بيودعوكم على أمل لما نلتقي تكون شمس النصر منور حياتنا

فريق العمل:

إعداد وتقديم: حرائر داريا

إخراج ومونتاج: إذاعة بلدنا

 

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: