أطفال الحرية – العناية الذاتية

أطفال الحرية

أطفال الحرية

بهالحلقة لح نتعرف على بعض الخطوات للعناية الذاتية .. تابعونا

 

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

اهلا وسهلا بحلقة جديدة من برنامجي اطفال الحرية .املنا على اذاعة بلدنا دوت اف ام

بالحلقتين الماضيتين تعرفنا على نوعي الصدمة الحادة والمعقدة و فرقنا بين التطورات النمائية للطفل السليم وللطفل المصدوم نفسيا وقدمنا بعض خطوات للعلاج ليقوم فيها القائم بالرعاية على الطفل

بهالحلقة لح نتعرف على بعض الخطوات للعناية الذاتية لأنو القائم بالرعاية بحاجة ايضا لأنو يعتني بذاتو ويدعم حالو نفسيا نتيجة تزايد الضغوط عليه

غالبا بيضل القائم بالرعاية عم يشتغل مع الطفل المصدوم متناسي تعبو والضغط المتزايد عليه لحتى يلبي كل حاجات الطفل وهالشي ممكن يشكل مكافأة للقائم بالرعاية وبنفس الوقت ممكن تكون قواه عم تستنزف بسبب تزايد الضغوط والشدة بين المشاعر الناتجة عن العمل وغيرها يلي ناتجة عن ضغط المشاعر يلي منحسو نتيجة الاشياء يلي منعجز عن التحكم فيها ومو شي غريب انو نحس بالتوتر والتقل نتيجة الشغل مع الاطفال يلي تعرضو لصدمات

العناية الذاتية هية مو استجابة لخطة طوارئ منقوم فيها لما نبدا نحس بالارتباك ولا انو نتصرف بانانية ولا انو نضيف مهام جديدة لورقة مهامنا يلي ممتلية اصلا

الرعاية الذاتية مهمتها تجديد ارواحنا وتساعدنا لنصير اكتر مرونة وبتكون الرعاية الذاتية اكتر فائدة لما يتم العمل فيها كمبادرة مو كردة فعل

الرعاية الذاتية بتشمل تلت نقاط يلي هنن : الوعي والتوازن والاترباط

الوعي:

الرعاية الذاتية بتبلش بصمت بانو نهرب من حياتنا المشغولة ونفوت بمساحة من العزلة منقدر من خلالها نوعى على احتياجاتنا الشخصية والتصرف على هاد الاساس لان نحنا غالبن منتصرف من دون انو نفكر بشكل جدي ولا حتى مناخد وقتنا بالتفكير واخد القرار وهالشي بسبب النا احساس اكبر بالارهاق بدل انو نرتاح

التوازن:

الرعاية الذاتية فعل متوازن وبتضمن فعل متوازن ويقظة وهالتوازن بقود القرارات باتجاه الشي يلي لازم نترك واو نعملو من نشاطات وكمان بيحدد الدرجة يلي لازم ننتبه الها حول المظاهر العاطفية والجسدية والانفعالية والروجية لوجودنا

بوجهة نظر تانية لازم نفكر اديش عم نقضي وقت ونحنا عم نشتغل او نلعب او نرتاح لان هالشي مفهوم صحي ونظام يومي مثلا:8ساعات شغل و8لعب و8 متعة او راحة

اما الارتباط:

الرعاية الذاتية ما بتاخد مكانها لوحدها عند شخص معين انما بتضمن الارتباط بشكل الو معنى مه التانين لانو نحنا بالاصل كائنات مستقلة واجتماعية ومنكبر ومننمو من خلال ارتباطاتنا بالتانيين من خلال الصداقة والعائلة والجماعات الاجتماعية الطبيعية او النشاطات الاجتماعية او ممارسات الروحية او العلاج بالاضافة لعدد كبير من المظاهر التانية

مافي خطة معينة للرعاية الذاتية لانو كل خطة بتفرق من شخص لاخر حتى من وقت لاخر بتختلف لهيك لما بدنا نجدد بالخطة لازم نسمع بشكل منيح قلوبنا وعقولنا واجسادنا بالاضافة لسماع اصدقائنا الموثوقين

لازم يعتمد القائم بالرعاية على بالغين تانيين ونظم دعم متل الكنيسة او الجامع او مركز العناية الصحي للمساعدة على تلبية الاحتياجات الانفعالية للقائم بالرعاية حتى يمتلك الطاقة الكافية لمعالجة الاطفال يلي هنن اصلا تحت الضغط

حتى نفكر بالرعاية الذاتية ونفهما اكتر:

تخيل انك استاذ قدير بيراقب 3 اساتذة شباب عم يصارعم مع ملون المتضمن السيطرة على عدد من التلاميذ من ضمنون طلاب مصدومين نفسيا وبشكل روتيني بيقصدوك لحتى يحصلو عالنصح والدعم وانت بتكون مهتم لامرون وبنفس الوقت عندك مشاكلك الخاصة ولتادي واجبك بتهاتفهمن بعدد من المكالمات اسبوعيا لحتى تنصحون ومن جديد بلشت تلاحظ اديش هالشي مأثر على حياتك بالبيت والشغل فكر شو هية افضل النصائح لحالك بكل حالة فكر بحلول ضمن نطاق الوعي والتوازن والارتباط

هل ألح نتعرف على مقياس الرعاية الذاتية وهوة عبارة مجموعة من النشاطات على عدة مستويات حضرو قلامكون واستخدمو المقياس التالي 5لجواب غالبن..4لجواب عادة …3 لجواب احيانا…2- لجواب ابدن… 1- لجواب لم يحدث لي ابدا

لحن بدا بمقاييس العناية الجسدية:

بعد ما تقرأ القائمة حط نجمة بجنب النشاطات يلي حابب تضيفا لنشاطاتك السابقة وحاول تقوم باعادة ترتيب نشاطاتك من وقت للتاني لحتى تبقى مركز على تلبية احتياجاتك ولتتاكد من انك عم تعتني بنفسك بشكل منيح

بالاضافة ليلي سبق لازم يتجنب القائم بالرعاية استخدام العقاقير بدون مشورة طبية

عدم تهويل المشاكل والصعوبات والايمان بانو لكل وقت دورو لهيك ممكن يحتاج الشخص لبعض الوقت لحتى يقيم  رؤيتو للحدث

لازم يتجنب القائم بارعاية الاحتمالات غير الواقعية والمثالية عن الحدث لانها بتولد خيبة امل وقت الازمات

لازم ما نتردد بطلب المشورة من ذوي الخبرة في حال استمرت ردود الفعل على شدتا

والخلاصة من هالحكي:

انو المسعفين انفسون ومتل كل افراد المجتمع معرضين لاثار الضغط المفسي وممكن يعانو من ظاهرة انطفاء الدافعية اذا استمرو بالتعرض للضغط النفسي من دون تداخل وفي سبل لمنع او التغلب على هالظاهرة عند المسعفين فمثلا ممكن يتخصص بعض الوقت لمشاركة الاخرين بالمشاعر والخبرات يلي بتساعد بالتخفيف من معاناة المسعف

فريق العمل:

عناوين التواصل: atfalelhuriye@baladna.fm

إعداد وتقديم وإخراج: ديمة D.SH.K

بدعم من مجلة : جيل الحريّة… للحلم بقية

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: