خلينا نحكي – طائفتي حرية

خلينا نحكي!

خلينا نحكي!

حنمد ايدنا الكم ونعطيكم وردة الصلح ووردة الحب ووردة الامل
ونبني حياة جديدة ونفتح صفحة جديدة

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

لييييش يا هالايام عم تعملي فينا
بتزعلنا
وبتبكينا
وبتبقى عطول تخلينا
ومتل الاطرش بالزفة
طبعا مو الكل يلي بالزفة
لأن يلي معزوم هو اللي حامل قضية
بزمن الحرية
ورافع راية مافي انسانية
ومنحكي ومنادي لا للطائفية
واللي بيسمع هو بعيد
والقريب عامل ما عم يسمع
وبيقلك حرب أهلية
وشي بيقلك انتو
والتاني بئلك نحنا
ونحنا ولا هووووووووون
معقول كيف نسينا الهوية
هويتنا هي البلد
والبلد هي الروح
والقلب
والحب
وبقول لكل اللي نسي انو نحنا اولاد بلد
( اغنية بلدنا امانة بايدينا )
لو منفكر شو يعني شام
لكنا عرفنا انوحضارة عمرها اكتر من 5000 سنة
عاش فيها المسيحي مع المسلم والسني مع الشيعي والدرزي مع الاسماعيلي وكتييييير من الطوائف عاشت بالشام
( اغنية فيروز شام ياذا المجد لم يغب)
وهلئ من اصحاب العقول المتحجرة بيئلولك طائفية
يعني الطائفية بس لانو طلعنا بالثورة ونادينا حرية
ما اول مظاهرةطلعت ما كنا عارفين مين مع مين
ومين جنب مين
وهاد ليش هون
وهي ليش ماشية مع هاد
ورغم وقت انكسار الخوف
طلعنا
وهتفنا ونادينا
وطالبنا بالحق
ومازلنا عمنادي
وبأيد وحدة
بدنا حرية
( اغنية شدوا الهمة الهمة قوية )
اليهودي كنا متعايشين معو
كيف هلئ متهومين بكرهنا لبعض
كلنا عايشين وحابين ومتآلفين
وحتى انو هوة من دين وهية من دين وبغنيلا
( اغنية لو شباكك عشباكي كنت بقلك كيف بهواكي )
المهم وبلا طول سيرة طائفية مافي
حرب اهلية مافي
انتة مين وانا مين مافي
وكلو بدووووو حرية
( اغنية الحرية )
خلص بس بيكفي حاااااج كزب
مل قلبنا من الكزب
هاد بيئلك شوف الدنيا
وهاد بيئلك شوف الاخبارية
اي ت ….طووووط ….. الو
ايدي وايدك لنعمر البلد
بيكفينا دم بهالبلد
خيلنا نكون سوريا
ونمحي عصابة بيت الاسد
( اغنية القاشوش ماهر هددنا بالبدلة بالحارة اعملك فتلة بلكي لح تاكل اتلة ونربي جيل بحالو )
حنمد ايدنا الكم ونعطيكم وردة الصلح ووردة الحب ووردة الامل
ونبني حياة جديدة ونفتح صفحة جديدة
بالسطر الاول حنكتب سوريا
وبالسطر الاخير نقطة
والتوقيع
ابناء سوريا
وصباحك ومساكي حر
يا سوريا
( اغنية بكتب اسمك يا بلادي )

فريق العمل:
إعداد وإخراج: Lazikani
ميكساج: Demoshka
تقديم: Areej Sham

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: