شوية حكي وحرية – أخوة العنب

 الفراق صعب بس نحنا منسهل البعد ع حالنا لما منلاقي أخوة بيشاركونا همنا و أملنا..تابعونا بهالحلقة من شوية حكي وحرية بعنوان أخوة العنب
شوية حكي وحرية

شوية حكي وحرية

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل
الإذاعة الأسود يسار الصفحة

يسعد أوقاتكم و يحقق أحلامكم يا رب تكونوا بألف خير حرائر داريا متل ما وعدناكم عم نلاقيكم بحلقة جديدة من شوية حكي و حرية
كتير منا ترك بيتو و أهله و بعدنا عن أحبابنا و اخواتنا كل واحد فينا صار بمنطقة يمكن بحياتنا ما كنا متوقعين نزورها
هو الفراق صعب بس نحنا منسهل البعد ع حالنا لما منلاقي أخوة بيشاركونا همنا و أملنا
بهالايام عم يصير عنا أخوة من نوع جديد
يعني صار عنا أخوة بالخبز المغمس بالدم
اي طبعاً لما بينقصف مخبز موقف على بوابه ناس من كتير مناطق بيصيروا الشهداء أخوة و بيترافقو ع الجنة ان شالله و بيصير اهلهم أخوة بيجمعهم خبز تغمس بالدم
و كمان صار عنا أخوة بالعلم
حاكم و متل ما بتعرفوا صاير عنا فنة جديدة و هي قصف الجامهات و تفجير المدارس
لا و شو بيقلك سيارة مفخخة بدي أعرف هالسيارة المفخخة هي سيارة سوبر مان مثلا لحتلى تضرب 3 ابنية سوا
مالكم بطول السيرة المهم أنو هالطلاب صاروا أخوة بالعلم و الدم
و أخر شي رح احكيلكم عن بلدتي الغالية يلي طلعت بأول الثورة كانت عم تنادي حرية و تحمل الورد
بس بدك مين يفهم قيمة الورد
قصفو داريا و دمروها مع هيك رح نبقى أخوة العنب و الدم
أخوة الخبز و الدم ! أخوة العلم و الدم ! أخوة العنب و الدم
رح نبقى أخوة و رح تبقى النخوة العربية ماشية بدمنا و رح بنقى نحب بعض لأنو كلنا لبعض
أخوتنا بالدم و الخبز و العلم و العنب و الأهم أخوتنا بالله
الكم من حرائر داريا ألف تحية و سلام موعدنا بحلقة جديدة لنحكي شوية حكي و حرية

فريق العمل:

إعداد وتقديم: حرائر داريا

إخراج ومونتاج: إذاعة بلدنا

 

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: