شوية حكي وحرية – أنصاف الآراء

بهالحلقة رح نسلط الضوء على انصاف الاراء ..يعني جماعة معك معك – عليك عليك, تابعونا!
شوية حكي وحرية

شوية حكي وحرية

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل
الإذاعة الأسود يسار الصفحة

لله يجعل أيامكم كلها أمل و حرية
ومن حرائر داريا الكم الف تحية
اليوم بدنا نحكيلكم عن انصاف الاراء
يعني جماعة معك معك – عليك عليك
بتكون أعد عم تحكي مع فلان ابن علان لما بيكون الجيش الحر عم يحقق انجازات
بيقلك يا عمي الله محي الجيش الحر يا هيك الشغل يا بلاه
بس قت الجيش الحر بيتعب شوي او بيتأخر بانتقالو من مكان لمكان أو شي من هيك
بيعملك حالو محلل عسكري
و تعا شوف شو بيطلع معو ع قولة هلء هيك يلي بدو يشتغل
هلء هيك يلي بدو يحرر
أو مثلا بتكون عم تحكي مع شئاع ابن رئاع
بيطلع تقرير بالتلفزيون عن شي منطقة
بيقلك يا اخي عم يعرفوا يشتغلوا
بعد  الشهر بينقصف جنب المكان يلي انعرض التقرير عنه
بيصير كل الحق على يلي عمل التقرير و خود على هالمنوال
يا جماعة معك معك عليك عليك
ارحمونا بقى يعني والله مو حلوة انصاف الاراء
يا انت مع يا ضد
خدلك موقف انا ما عم قلك لا تنتقد
لا يا خيي انتقد و انتقد كتير كمان
بس اثبتلك على رأي
و اتذكر النظام ما بدو عذر ليقصف و يقتل
هو من اربعين سنة هيك بس كان يخبي و هلء صار ع العلن
يعني القتل ورااااااااثة
و الجيش الحر مو عن عبث عم يشتغل بس بدنا نصبر
و بالنهاية بتذكر شي قالوا جبران لا تختر نصف حل
ولا تقف في منتصف الحقيقة
لا تحلم نصف حلم
ولا تتعلق بنصف أمل
و اخر شوية حكي رح نحكيهم اليوم خلينا نصّدق احلامنا و خلينا نكبر أملنا برب العالمين الله معنا و ان شالله الحرية جاية
من حرائر داريا حينا شوية حكي و يلا ع الحرية

فريق العمل:

إعداد وتقديم: حرائر داريا

إخراج ومونتاج: إذاعة بلدنا

 

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: