خلينا نحكي – كلمة صِدق

خلينا نحكي!

خلينا نحكي!

هلئ عم تمر البلد بمرحلة بدنا نفاوض أو لاء، بدنا المعتقلين أو بدنا نبيد الأسد وعلى عينك يا تاجر كلو ئاعد عالكراسي وعلى مزاودات وخووود وعطي وكأنو أبو شاكشوش يلي عم يحكي…

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

– روووووح علاك والله وصلنا لاخر زمن اي حاجتنا كلام فاضي
– تطلع على امن الدولة نص ساعة وبشوفك بالمظاهرة
– لا تروح ولا تجي كلنا بالهوا سوا انسى انسااااااا
– بيقولو السياسة فكر وفن وعبرة وفي منهم بيقولو كزب وخداع ولف ودوران
– بيجي حدا من الناس يلي بالارض بيقلك والله حننطر شو حيصير
– بيرد عليه شخص من برا بيقلو اكيد ما فيي امل
– طبعاً اللي برا بيفهم اللعبة واللي جوا بحياتو ما لعب بلعبة
– وكل يوم عن يوم بيزيد الامل وبيكبر الحلم وبتضل سوريا الها فضل ونعم وعالكل وبدون استثناء

——————————————————
هلئ عم تمر البلد بمرحلة بدنا نفاوض أو لاء…
بدنا المعتقلين أو بدنا نبيد الأسد وعلى عينك يا تاجر كلو ئاعد عالكراسي وعلى مزاودات وخووود وعطي وكأنو ابو شاكشوش يلي عم يحكي
هاد بدو يحكي وهاد بدو يعبر وهاد بدو يناقش وبالاخير بيئلك ربي يسر
لو منسأل حالنا نحنا كيف بلشنا وليش بلشنا ومنشان شو بلشنا لعرفنا هلئ انو ما تحقق شي من احلامنا الا انو راح الخوف وطلعت الكلمة بس كمان راحت البسمة
كان بابا يئلي لا تحكي الحيطان الها ادان وترجع الوالدة الكريمة تئلي شو بدنا بهالحكي ينباعو بألب بعضن
ليش ومنشان شو لنسكت
هلئ او بعدين كلنا لازمنحكي كلنا لازم ننقاش كلنا لازم نطير بتفكرنا لابعد من الكلمة
أنا بدي كون سياسي بس مو من مبدأ ما حدا احسن من حدا
لاء من مبدأ يمكن فكرة زغيرة تفيد هالامة اللي عاشت سنين على غباش وسنين بالخوف وسنين معدومة الفكرة والشخصية
بدنا نعمر وطن بدنا ننادي بالحرية بدنا مساواة بدنا عدل لاء وكمان بدنا حرية الرأي
بيقولو يلي بيتحرر من خوفو مو معناها تحرر سجنو ويلي بيتحرر من سجنو مو معناها تحرر من مبادئو
الك دينك والي ديني ويلي بيجمعنا هو محبة هالبلد
فياريت نحب البلد ونحررها ونحرر معها عقولنا

ولكل السياسيين والعسكريين والمدنيين متمنى منكم تحبو بعض وتكونو مع بعض كرمال هالبلد واهل البلد وصباحك ومساكي حر يا سوريا

فريق العمل:
إعداد وإخراج: Lazikani
ميكساج: رنيم قباطروس
تقديم: Areej Sham

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: