من حقك تعرف – صون حقوق المواطنين

من حقك تعرف

من حقك تعرف

إن الحرية شيء يولد مع الإنسان لا يتكرم به أحد على أحد.. الحرية نعمة من الله ليست ملك حاكم و لا حكومة و لا دولة.. الحرية ملك البشر، من الله تعالى..
خلونا نتعرف بهالحلقة كيف تقوم دول العالم بحماية حقوق المواطنين والاعتراف بها.
لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

3- صون حقوق المواطنين
مسا النور أميرة
مساء الخير مو…. كيفك؟
أنا تمام… بس حيران شوي…
بشو حيران؟
بدي أعرف كيف عم تتثبت حقوق المواطينين؟؟يعني كيف بتنحما من إنو تنلغى؟؟
طيب مو… رح قلك…
– تثبيت حقوق المواطنين بنصوص رسمية  هو عنصر أولي بحمايتها:
الاعتراف بالحقوق بشكل رسمي بخليها صعب إنو تنسحب والحقوق يلي لازم يعترف فيها بشكل أساسي هي يللي انزكرت بإعلان حقوق الانسان بعام 1789 والإعلان العالمي لحقوق الأنسان بعام 1948. في دول بتعترف بوثائق تانية نابعة عن هالوثيقتين الأوليتين، مثلا الدول الأعضاء بالاتحاد الأروبي مثلاً بتلتزم بالاتفاقية الأوروبية لحقوق الانسان الموقعة عام 1950. و دول أخرى بتعترف بوثائق أضيق متل فرنسا يلي بتلتزم بمقدمة دستور 1946.

وتعزز الاعتراف العلني بالحقوق الأساسية ببعض البلدان من خلال المجلس الدستوري.  بفرنسا مثلاً، قام هاداالمجلس عام 1971 بإضفاء الصفة الدستورية على اعلان 1789 وع مقدمة دستور 1946، وهو  منهداك الوقت عم يتأكد  أنو القوانين الصادرة عم تلتزم بهي الحقوق، وببعض البلدان التانية، متل أمريكا مثلاً، بيجوز الواحد يطعن بدستورية القانون قدام المحكمة من خلال الدعوى يلي عم تتقدم
. وبسوريا، في بعض الاجتهادات القضائية يلي أجازت الحكم بعدم دستورية القانون.
يعني أميرة… بفهم من حكيك إنو الاعتراف العالمي بهي الحقوق خلاها صعب تنسحب…مو؟
تمام….وأكيد لاتنسى مو إنو
– وجود قضاة مستقلين نزهين وعندون سلطات حقيقة يعتبر وسيلة هامة لصيانة حقوق المواطنين:
لأنو كتير ضروري ، إذا تم اغتصاب حق أساسي، أنو يكون بمقدور المواطنين يتوجهوا  لسلطة عندها صلاحية لتثبت هادا الاغتصاب وتعاقب عليه. طبعا هي هي الحال بأغلب الدول يلي بيستقل فيها القضاء عن الدولة.
بأوروبا بيقدرأي مواطن أنو يتوجه للمحكمة الأوروبية لحقوق الإنسان لمحاسبة أي قصور بيظهرلو بقوانين بلده بموضوع حماية الحريات.
الفكرة أنو كتير من الدول عم تعاني اليوم من فساد الجهاز القضائي، أو من تبعيته لأجهزة معينة بالسلطة، هادا الشي بيجعل المواطن عاجزاً عن الحصول على حقوقه إذا ماكان مقتدراً مادياً أو على علاقة مع أجهزة الدولة. وهادا بيشكل خطراً حقيقياً على الوحدة الوطنية.
المواطنين مابيقدروا يدافعوا عن حقوقهم؟؟
مبلا أكيد…
– تعبئة المواطنين لأنفسهم وسيلة هامة جداً لصيانة حقوقهم:
المواطنين بيساهموا بالدفاع عن حرياتهم عبر الجمعيات والمنظمات غير الحكومية والعرائض والمظاهرات. يعني يلي بيعرف باسم المجتمع المدني وهيئاته الفعالة يللي هنن ضمانة أكيدة لصون حقوق المواطنين.

4- حقوق جديدة للمواطنين
صحيح مو.. بدي قلك….
تطور الحضارة البشرية عم يخلق علاقات جديدة عم تفترض وجود نواظم حقيقية إلها، هاداالشي بيخلي الحقوق الأساسية، المعترف فيها قانونياً، غير معدودة.

من المعروف مثلاً أنو المرأة مابتتمتع بحقوق مساوية للرجل بكثير من الأحيان بس نضال المرأة المرافق لتطور الوعي بشكل عام أدوا لإدراج حقوق جديدة خاصة بالمرأة (متل حقوق الأمومة مثلاً).

كمان من المعروف أنو المبادئ يلي منسميها مبادئ الجيل الأول،يعني الحقوق- حريات (حرية التعبير، حرية تشكيل الجمعيات، حرية الاجتماع) كانت الوحيدة يللي اعترف فيها قانونياً، بغالبية الدول وهادا حتى نهاية الحرب العالمية الثانية. لكن ماتم  الاعتراف بحقوق الجيل الثاني، الحقوق- استحقاقات، ومنها الحق في الصحة، إلا مع بداية النصف الثاني من القرن العشرين.
واليوم النقاش صار حامي الوطيس حول الاعتراف بحقوق جديدة للمواطنين بسبب التهميش والإقصاء يللي كل مالهون عم يتزايدو.
وغاية هادا النقاش تأمين وسائل عيش مناسبة لكل مواطن بالدولة.

طيب أميرة في مثال ع هادا الشي….
إي مثلا..الصراع يلي عم تخوضه من عشر سنين تقريباً عدة جمعيات أهلية فرنسية منشان  الاعتراف بحق المسكن يلي بيؤمن لكل شخص سقفاً يحميه، وبيجبر السلطات على وضع سياسة مناسبة لهادا الشي.

وفي حقوق من نوع جديد عم تنتشر بهالأيام وهي حقوق بتقوم على مسؤولية الإنسان تجاه الأجيال الجاية وبتفترض وجود تضامن دولي. وأهم هي الحقوق هو الحق ببيئة صحية خالية من كل أشكال التلوث.

شكرا أميرة…. وهلأ عم استنا منك اقتباس اليوم؟

“إن الحرية شيء يولد مع الإنسان لا يتكرم به أحد على أحد
الحرية نعمة من الله ليست ملك حاكم و لا حكومة و لا دولة.
الحرية ملك البشر، من الله تعالى
الشيخ معاذ الخطيب

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: