يوميات سورية – تشييع المزة

يوميات سورية

يوميات سورية

18 شباط 2012 أحرار المزة والشام وحرائر الشام كبار وصغار الآلاف من أهالي دمشق الأحرار طلعو لتشييع شهداء المزة التلاتة، يلي اغتالتن عصابات الأسد المُجرمة، التشييع بلش بالمزة بستيين ورا الرازي… بس الأبطال قرروا يتحدو عصابات الأسد وقطعوا اتستراد المزة مقابل السفارة الإيرانية وبلش الكل يتجمع بجامع المزة الكبير بالشيخ سعد

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

 

يوم 17 شباط 2012 جمعة المقاومة الشعبية استشهد 3 أبطال من حي المزة بدمشق بسبب إطلاق عصابات الأسد الرصاص على المتظاهرين المدنيين: الشهيد حسام الأصفر يلي تعرض لاطلاق النار المباشر أثناء المظاهرة من عصابات الشبيحة الأسدية بحي الفاروق بالمزة بعد صلاة الجمعة، الشهيد الطفل بلال طويلة يلي إجتو رصاصة مباشرة بصدرو، والشهيد محمود كرم
شبين بعمر الورد وطفل بأول عمرو؟

باليوم التاني 18 شباط 2012 أحرار المزة والشام وحرائر الشام كبار وصغار الآلاف من أهالي دمشق الأحرار طلعو لتشييع شهداء المزة التلاتة، يلي اغتالتن عصابات الأسد المُجرمة

التشييع بلش بالمزة بستيين ورا الرازي… بس الأبطال قرروا يتحدو عصابات الأسد وقطعوا اتستراد المزة مقابل السفارة الإيرانية وبلش الكل يتجمع بجامع المزة الكبير بالشيخ سعد

صلوا صلاة الجنازة على الشهداء بالشارع العام لانو الجامع صار مليان وما عاد يسع آلاف المحتشدين….
وانطلقو وبمشاركة نسائية مميزة باتجاه مقبرة المزة لدفن الشهداء…

والمُفاجأة كانت… إنو بلش ينزل التلج!
بس الأحرار كانو دفيانين بصوتن وأحساسن بالحرية… وهتافاتن يلي زلزلت عصابات الأسد يلي انتشرت حولين المشيعيين ليخوفهن

وأول ما خلصت عملية دفن الشهداء… بلش إطلاق الرصاص الحي والغاز المسيل للدموع على الأحرار

صديقي صلاح حضر التشييع وكانت من أحلى التجارب بحياتو الثورية لهيك حب يحكيلنا ياها

مهم جداً ألا نفقد إنسانيتنا وسط الاحداث المؤلمة… مهم جداً ألا يكون شهداؤنا ومعتقلونا مجرد أرقام… كل منهم له قصة وأحباب…

كل منهم كان له يوماً حياة… مدونة يوميات سوريا، لتدوين إنسانية الثورة السورية ضد طغيان الاستبداد.. عدو المجتمع

اقرأ المزيد من قصص الثورة على موقع يوميات سورية www.syriadaily.net

وارسل لنا يومياتك على البريد الإلكتروني syriadaily@gmail.com

او برسالة على صفحة يوميات سورية على الفيس بوك facebook.com/SyriaDaily.net

فريق العمل:
إعداد: فريق عمل يوميات سوريا

قصة: Salah

إخراج: Raneem Qubatrus

تقديم: Raneem Qubatrus

مدونة يوميات سوريا
www.syriadaily.net

 

Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 9 مشتركين

شركاءنا

أخبار الشام آبونا يوميات سورية
%d مدونون معجبون بهذه: