من حقك تعرف – حقوق المواطن

من حقك تعرف

من حقك تعرف

وردت الحريات والحقوق الأساسية لأول مرة بإعلان حقوق الإنسان والمواطن يلي صدر عام 1789 وتضمنتها غالبية الدساتير، ومنها الدستور السوري بالفصل الرابع يلي عنوانه ” الحريات والحقوق والواجبات العامة ” هي الحريات والحقوق هي أساس الديمقراطية، حلينا سوا نتعرف عليها بهالحلقة 

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

 

مرحبا أميرة….
مراحب مو… كيفك.. إنشالله تمام…
منشكرو يا أميرة…
شو مو؟ شو حامل بإيدك؟
والله حامل الدستور يإيدي….
أوف الدستور.. شو خطرلك…
حابب أتعرف ع حقوقي… وشو حقوقي الأساسية يللي بكفلها الدستور
والله إنو برافو عليك يامو….
بس أميرة… ضعت شوي…. فيكي تخبريني شوي عنهون بأسلوبك… بيعلقوا بذهني أكتر
بيسعدني أكيد ساعدك
وردت الحريات والحقوق الأساسية لأول مرة بإعلان حقوق الإنسان والمواطن يلي صدر عام 1789 وتضمنتها غالبية الدساتير، ومنها الدستور السوري بالفصل الرابع يلي عنوانه ” الحريات والحقوق والواجبات العامة ” هي الحريات والحقوق هي أساس الديمقراطية، والمجلس الدستوري بيضلو بيشتغل على ترسيخ احترامها.

فينا نميز بين عدة فئات من الحقوق:
1.الحقوق يلي بتتعلق بالشخصية الإنسانية وتعدد أغلبها بإعلان حقوق الانسان 1789: الحق بالمساواة، الحق بالحرية، الحق بالتملك، الحق بالأمان، والحق بمقاومة الاضطهاد.

2.الحقوق يلي بتشكل مظاهر أو نتايج عن الحقوق السابقة. مثلاً: بتنتج عن مبدأ الحق بالمساواة -حقوق التصويت العام ، والمساواة بين الجنسين، والمساواة بالوظائف، والمساوة قدام القانون، والمساواة بالضرائب، والمساواة بالعدالة والمساواة بفرص التحصيل الثقافي.

بيفترض مبدأ الحرية وجود الحرية الشخصية، وحرية الاعتقاد، وحرية التعبير، وحرية الاجتماع، وحرية ممارسة الشعائر الدينية، وحرية العمل النقابي، وحرية الإضراب.
وبيفترض حق التملك الحرية بالتمتع بالممتلكات،
أما الحق بالأمان فبيبرر حظر كل أنواع التعسف، وبيفترض البراءة، واحترام الحق بالدفاع عن النفس، وحماية الأفراد بموجب القانون، وضمان المحاكمة العادلة.
3.الحقوق الاجتماعية،يلي بتعني الحق بالحصول على الإعانات من نفقات الدولة: متل حقوق العمل، والحق بالحماية الصحية، والحق بمجانية التعليم الرسمي.

بتنص(المادة الرابعة)من إعلان حقوق الأنسان والمواطن لعام 1789 على أنو ممارسة هي الحقوق والحريات الأساسية مالها حدود “ماعدا الحقوق يلي بتضمن للناس التانيين بالمجتمع أنهون يتمتعوا بنفس الحقوق والحريات”

2- أنواع حقوق المواطنين

أميرة… كل الحقوق قدرنا نحصلها سوا؟؟؟ يعني تم الأعتراف بكل الحقوق بنفس الوقت؟؟

فينا نميز تاريخياً بين فئات مختلفة من الحقوق يللي تم الاعتراف فيها للمواطنين وبتضمنها الدولة بأغلبيتها.
•أول الحقوق يلي تم الاعتراف فيها هي ” الحريات”. (مثال: حرية التعبير، حرية الاجتماع، حرية الانضمام لجمعيات…) يمكن لهي الحقوق أنها تكون شخصية أو جماعية، وبتقدم للأفراد شوية استقلالية وشوية إمكانية إنهون يتصرفوا بدون أي شكل من أشكال الإجبار. اعترف إعلان حقوق الإنسان والمواطن بهي الحقوق، بس الاعتراف بهي الحقوق.. كان بدو كتير نضال.
وبعض هالحقوق بتتعلق بالأمن الشخصي ( متل الحماية من التوقيف والاعتقال التعسفي )، أو بحرية الرأي، والتعبير. وفي كمان الحقوق السياسية يلي بتسمح بالمشاركة بالسلطة متل الحق بالتصويت والانتخاب.

•اتطورت بعدين حقوق المواطنين وشملت مجموعة تانية، وانعرفت باسم ” استحقاقات”: وهي بتساهم بكرامة المواطن، بس هي بتختلف عن ” الحريات” بإنو إلها تكلفة.
اسمها جاية من واقع إنو مامنحصل عليهاإلا بتدخل الدولة . هي عبارة عن حقوق اقتصادية واجتماعية، مثل الحق بالتعلم، الحق بالرعاية الصحية، الحق بالانتساب لنقابات.
وهي الحقوق اتدونت بفرنسا بمقدمة دستورهن الصادر 27 تشرين الأول 1946.
ترافق التأكيد على الحقوق الجديدة مع ظهور دوله الرفاه، يعني الدولة ذات السياسة التدخلية في المجتمع.

شو يعني دولة الرفاه؟؟

دولة الرفاه هي دولة بتدخل بالحياة الاجتماعية بحيث إنها بتخدم مواطنينها لأقصى الحدود
نفترض وجود إم حامل و بتشتغل و آخدة أمومة فالشؤون الاجتماعية بتبعتلها مين يساعدها و يطبخلها
وإذا ولدت بيبعتولهامشرفة كل فترة تساعد بالبيبي و توجهها
يعني الحقوق الجديدة يلي ظهرت ظهرت مع ظهور مفهوم دولة الرفاه يلي بتدخل بشكل كبير برفاهية المواطن
•بهي الأيام عم يصير في نقاش طويل على وجود جيل ثالث من حقوق الأنسان. هي الحقوق مابتخص أفراد دولة بذاتها وإنما بتحتاج تضامن دولي (مثال: الحق في بيئة نظيفة).

واقتباس اليوم هو :

الحرية أثمن ما يملكه الإنسان… و هي حرية داخلية و خارجية، و الداخلية منهما أهم لأنها تحرره من الداخل و الخارج معاً. من أقوال الدكتور ياسر تيسيرالعيتي

   فريق العمل:

  • إعداد وإخراج: حركة وعي
  • تقديم: أميرة – محمد – أوسو
  • مكساج: إذاعة بلدنا
  • برعاية: حركة وعي
Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: