من حقك تعرف – المواطنة

من حقك تعرف

من حقك تعرف

أميرة المرة الماضية شرحة لصديقنا مو شو يعني مواطن… بس يا ترى كيف لازم يكون سلوكي كمواطن؟ وشو يعني مواطنة؟
رح تعرفوا إجابة هالأسئلة بهالحلقة الجديدة من برنامج من حقك تعرف

لسماع الحلقة انقر زر التشغيل من فضلك، ويمكن إيقاف سماع بث إذاعة بلدنا العام من خلال نقر زر الإيقاف في مشغل الإذاعة الأسود يسار الصفحة

مرحبا أميرة…

أهلين مو..

هلأ المرة الماضية شرحتيلي شو يعني مواطن وشو حقوقو وواجباتو… بس في عندي سؤالين…

الأول… كيف لازم يكون سلوكي كمواطن

معك حق… هادا شي مهم… هلأ في عنا  ثلاث قيم أساسية مرتبطة كتيربالمواطنة:
الأولى الآداب العامة:
هي سلوك احترام بيظهره المواطن  تجاه المواطنين التانيين ، وتجاه الأبنية والأماكن العامة (متل وسائل النقل العام). ومن هي الآداب التسامح والاعتراف المتبادل بين الأفرادبكرامة الإنسان، يللي بيضمن تحقيق التفاهم بالمجتمع، واحترام حق الاختلاف بالآراء والمعتقدات.
 التانية المسؤلية المدنية:
على الصعيد الفردي، المسؤولية المدنية، بتقوم على احترام  القوانين والقواعد السارية، وكمان  بتقوم عوعي الفرد لواجباته تجاه مجتمعه والتوعية إلها.

المسؤولية المدنية بترتبط بسلوك فعال للمواطن بالحياة اليومية والعامة. المسؤولية المدنية الأهم هي بتغليب المصلحة العامة على المصلحة الخاصة.

طيب وشو التالتة يا أميرة؟؟

 التالتة هي التضامن:
بيساهم مبدأ التضامن بتشكيل صورة المجتمع. والمواطنون حسب هي الصورة، مالهون أفراد متجاورين بس  مجموعة من الرجال والنساء يللي بيرتبطوا بمشروع مشترك.

إذن التضامن هو موقف انفتاح على الآخرين. ضمن هادا التصور بيصير التضامن القائم على مساعدة المحتاجين مرتبطا بشكل مباشر أو غير مباشر بمفهوم المواطنة.

هي القيم الثلاثة بتعطي للمواطنة معناها يللي مابيوقف عند ممارسة حق الانتخاب.

 طيب مو.. وهاي جاوبتك عالسؤال الأول… شوكان سؤالك التاني…

ياأميرة.. فهمت شو يعني مو مواطن وشو هي حقوقو وواجباتو وسلوكياتو…. بس المواطنة بشكل عام شو ممكن تكون؟

 المواطنة هي  تعبير عن هوية مشتركة.

-الجنسيةهي العنصر الأساسي بتعيين هي  الهوية المشتركة بين المواطنين. و هي الرباط القانوني  يللي بيصل الشخص  ببلد،بالإضافة إلى كونو رباط مشترك بين كل المواطنين شوماكانت الطريقة يللي اكتسبوا فيها هي الجنسية ( إن كانت حق الدم، أو حق الأرض، أو الزواج،أو التجنس).

المواطنة هي دلالة الانتماء إلى جماعة، ع الصعيد القانوني ،  والعملي كمان. وهادا الانتماء بيزداد إحساس المواطن فيه وقت بيسافر برات البلد.

 -المواطنة: بتعبر كمان عن الانتماء للجماعة السياسية ذاتها وهي بتيح للمواطن أن ينتخب أو يُنتخب.

  في حالات مابتخضع لهل الحكم العام، مثلا قوانين الاتحاد الأروبي بتسمح للمواطن الأوروبي أنو يشارك بالانتخابات البلدية في أي بلد من الاتحاد بدون ما يحمل بالضرورة جنسية هالبلد. يعني الهولندي أو الألماني بيقدر مثلاً أنو يشارك بالانتخابات البلدية بفرنسا من دون مايكون فرنسي بالضرورة.

-المواطنة بتعبر عن هوية ثقافية وعن تاريخ مشترك. وهادا مابيعني إنو المواطن بيحمل، على المستوى الشخصي وزر أخطاء أوجرائم البلد التي يتمتع بجنسيتها. المواطنة بتعني إنو نتشارك بالزاكرة بالمحطات المؤثرة بالتاريخ الوطني. والمواطنة بسوريا على سبيل المثال بتخلي كل السوريين شركاء بإرث أمجادهم يللي سجلها التاريخ. متل ما بتخلي المواطنة بفرنسا الفرنسيين مشتركين بإرث اللحظات الأساسية بتاريخ بلدهن  متل الثورة الفرنسية والحروب العالمية .

 شكرااا وصلني حقي ..

أنا دايما بالخدمة… شو؟ أنهي باقتباس

أكيد طبعا

طيب، الوطني الأصيل ليس ذلك الذي يرفع وطنه فوق الآخرين وإنما ذلك الذي يعمل من أجل أن يكون وطنه مستحقا لهذا الفخر وأن يكون هدفه كرامة وطنه أكثر من الفخر به” من أقوال علي عزت بيجوفيتش

فريق العمل:

  • إعداد وإخراج: حركة وعي
  • تقديم: أميرة – محمد – أوسو
  • مكساج: إذاعة بلدنا
  • برعاية: حركة وعي
Mail Skype Soundcloud Vimeo YouTube

اشترك بنشرة بلدنا البريدية

ادخل بريدك الإلكتروني للاشتراك بالنشرة البريدية والحصول على تنبيهات بالمواضيع الجديدة للموقع.

انضم مع 29٬796 مشترك

شركاءنا

أخبار الشام آبونا يوميات سورية
%d مدونون معجبون بهذه: